🔥10 أنواع للميزة التنافسية 🔥
تقدر تختار أي وحدة .. وتطبقها على مشروعك .. وتكّون علامة تجارية قيمتها (فقط كـ براند) تساوي عشرات ومئات الالاف!
وتنجح وتتميز عن بقية المنافسين ..
نصيحة .. لا تبدأ مشروع بدون ميزة تنافسية ..
1 انتاج حسب طلب العميل ..
مثل مطعم "صب واي" .. يخلي العميل يختار وجبته (نوع الخبز - الخضار - البهارات والاضافات) ويسوي بناء على اختيار العميل
أو ممكن تصير على مشاريع ملابس وأزياء بحيث تتصمم بناء على طلب العميل .. أو مشاريع اكسسوارات (ذهب أو فضة) .. أو ممكن عطور وغيرها
2 خدمة أفضل ..
أن تتميز بتقديم خدمة خرافية للعميل ..
مثلا ..
⚫️ إمكانية الطلب عبر الهاتف قبل حضورك للمطعم (لتجهيزه) ..
⚫️ خدمة استلام وتسليم الملابس التي تحتاج إلى غسيل وكوي من بيت العميل (لمشاريع كوي الملابس) ..
⚫️ توفير بيئة عمل وأماكن شحن وطاولات لللابتوب (للكافيهات) ..
3 خدمة أسرع ..
مطعم دومينوز بيتزا بداية دخولهم السوق .. حبو ينافسوا بيتزا هت ويتميزو بسرعة التوصيل
حتى سوو شعار يقول (30 دقيقة أو مجانا!) بمعنى لو تأخر توصيل طلبك للبيت عن 30 دقيقة يجيك مجانا
فلو تثق بوقت التوصيل لمشروعك .. حلو تحط للعميل ضمان مثل هذا.. صدقني بتزيد المبيعات!
4 جودة أكبر ..
ثياب لومار .. مع أن أسعارهم غالية .. بس وفروا أقمشة وتفصيل ذو جودة عالية .. وقدروا يتميزوا بالسوق ..
لأن كثير ناس م يهتموا بالسعر .. يبو جودة وراحة باللبس
فممكن تشوف منتجات منافسيك .. وتحاول تأخذها وتزيد جودتها ومميزاتها .. وتسوي تغليف جميل وتضع إضافات ثانوية
5 الضمان الذهبي ..
في فنادق توفر (ضمان سعادة العميل) .. فإذا كان العميل مو راضي عن الخدمة .. يمنح الغرفة مجانا!
وكثير متاجر عطور طبقو ضمان للعطر .. إذا م عجبك ترجعه ..
وزادت المبيعات!
والمفاجئة .. إن نسبة الاسترجاع كانت جدا طبيعية (العميل غالبا يستحي إذا شرى حاجة إنه يرجعها)
6 عضوية ولاء ..
العملاء الي يشتروا منك بشكل مستمر .. ممكن تكافئهم بمنحهم عضوية بمميزات خاصة ..
مثل ..
⚫️ "برنامج قطاف" لـ STC
⚫️ برنامج "نُهديك" لصيدلية النهدي
⚫️ أو ممكن بشكل أبسط .. مثلا توفر كوب قهوة مجانا لكل 7 أكواب قهوة يشتريها العميل
⚫️ أو أكواد خصم خاصة للعميل
7 الأقل سعراً ..
هذه تزبط غالبا فقط للي يقدر يستورد أو ينتج بكميات كبيرة جدا (لتقليل التكلفة)
وهنا المنافسة جدا شرسة ومميتة!
ممكن بكرة يجي هامور يدخل السوق بميزانية كبيرة .. وينزل سعره (حتى ممكن يبيعها برأس مالها) بس عشان يستحوذ على السوق ويطلعك منه .. بعدين يرجع السعر ..
8 أمان أكثر ..
شوفوا إعلان شركة سيارات فولفو كيف تفردت بميزة أمان السيارات!
هذا ممكن تفيد مجالات التجميل .. أو المتخصص بمجال الأطفال ..
ويتميز عن غيره ..
9 صحي أكثر ..
مناسب مع منتجات الملابس أو الأحذية .. مثلا توفر أحذية مريحة وصحية للقدم ..
أو ممكن الأسرّة والمخدات والكراسي .. وتوضح قد ايش ضروري تكون المخدة والسرير الي تنام عليه كل يوم مريح وصحي للظهر والرأس ..
أو ممكن مطاعم ومنتجات غذائية ..
10 إبداع أكثر ..
أنك تبدع بمنتجات مميزة وحصرية.. في الملابس .. أو الاكسسوارات .. أو عطور مميزة مثلا ..
أو ممكن يكون ديكور كافيه جذاب .. وفيه جلسات حلوة على البحر مثلا ..
⚫️أهم نقطة ..
لمن تختار ميزة تنافسية لمشروعك .. ضروري تخبر الناس عنها!
حطها بالبايو بشعار خاص بك .. اذكرها بمحتوى اعلانك .. زيد وعي الناس إنك المتميز بهذه الميزة ..
عشان كل م يشوفوا علامتك التجارية .. يجي ببالهم ميزتك التنافسية مباشرة ..
وفي النهاية شكرا على قراءتك .. 😊